Page 5 - Zulu Grade 12
P. 5
ukuthi silungisela umndeni wakwaZitha. Unesibindi
ukungitshela ukuthi wena nalo Dirk wakho, nenzani?
Awunazindlebe yini, asikutshelanga ukuthi khohlwa ngalo Dirk
wakho?
Dumazile: Mama, ngiyamthanda uDirk. Angisazi ukuthi kufanele
ngichaze kanjani? USibaya angimazi ukuthi ungumuntu
onjani. Ngiyavuma ukuthi sikhule sonke kodwa kimina ufana
nomfowethu, anginalo uthando lwakhe. Ngithanda uDirk,
ungusofa silahlane wami. Ngiyacela mama ukuthi uzwisise.
MaMhlongo: Nayi ingulube inginonela bo! We Dumazile! Ukhuluma
nobani kanjalo? Wazini wena ngothando? Okokuqala nje, lo
Dirk osibelesela ngaye, umndeni wakhe uyazihluphekela nje.
Uma ucabanga, uzolikhokha ngani ilobolo njengoba
kungabonakali nokuthi usebenzani?
Dumazile: Mama, uDirk ungumdwebi futhi uyaphila ngalowo msebenzi.
Okubalulekile ukuthi uyawuthanda lo msebenzi futhi
uyamjabulisa. Ukumbona ejabulile, kuyangijabulisa.
MaMhlongo: We Nkosi yami, ngivelelwa yini kodwa? Singakufundisa,
sikhiphe imali eshisiwe kangaka bese wena uzosilethela
isihlupheki lapha? Hhayi bo Dumazile, wothi uyadlala
mntanami. Ngempela asizuvuma ukuthi ushade lesi sichaka
sakho.
Dumazile: Ngiyaxolisa-ke mama kodwa inhliziyo yami ikuDirk futhi….
MaMhlongo: (emngena emlonyeni, uyavevezela ngenxa yentukuthelo)
Dumazile! Phuma, ngingaze ngisho amagama abuhlungu.
[kusenjalo, kungene uDube, ubaba kaDumazile]
Dube: Hhawu, ngowani umsindo ongaka? Bazothini abasemzini
ukuzwa lo msindo? Kwenzenjani MaMhlongo?
MaMhlongo: Buza uDumazile, unkosikazi Wright?
Dube: Ngubani-ke lowo manje?
MaMhlongo: (Ngokubhuqa) Hawu, kanti awazi ukuthi indodakazi yakho
isishadele kwaWright? Ngikhuluma amanga Dumazile?
Uthuleleni, chazela uyihlo.
4